NYHENDE

Open Heart sin trailer kjem til Ulsteinvik og Sarepta fredag 1. mai, ca klokka 15. Då fyller vi opp traileren med det som er levert inn for hjelpesending til Ukraina.

Du har  F O R T S A T T  tid til å gjere ein innsats for andre dersom du har kle, sko, sengetøy, tepper, dyner og puter etc. som du kan gi til dei som treng det mest. Alt er av interesse, og både barn og vaksne treng vår hjelp. Pakk det du vil gi vekk i sekkar (50 kroner per kolli i frakt). Hugs at kle og utstyr skal vere heilt og reint. Du kan også velsigne andre ved å gi pengar til matpakkar til trengande familiar.

Sarepta tek i mot både kle og pengar til vidare formidling. Dei har ope torsdagar og fredagar frå kl. 11-16, og laurdagar frå kl. 11-15. 

Hallvar Hasseløy taler i Filadelfia fredag 1. mai kl. 19

Velkomne til Pinsestemne 2026

24.-25 mai arrangerer vi Pinsestemne i Filadelfia. Det er Marcus Østby som skal inspirere oss med Guds ord denne helga, og han er til tross for sin unge alder, ein erfaren, dyktig og truverdig forkynnar. Han er lidenskapeleg interessert i menneske og deira historie, og godt likt av alle generasjonar.

Marcus har sidan februar 2022 vore tilsett i 60 % stilling som hovudpastor i Elim Baptistkirke i Tistedal. Dette er ei relasjonsorientert, aktiv og relevant menigheit for alle generasjonar, og Elim si historie strekk seg heilt tilbake til 1884. I 2010 flytta dei inn i nybygd og moderne kyrkjebygg på Sommero noko som vart eit stort løft for for fellesskapet deira. Marcus er gift med Birte og pappa til to jenter. Det som ligg hjarte hans nært er forkynning, sjelesorg og barn/unge. Vi har tru for at Marcus har noko godt å formidle til både unge og gamle!