Trivselskafé

Trivselskafe

Trivselskaféen i Filadelfia er ein sosial treffstad der trivsel og fellesskap er hovudfokus. Dei fleste generasjonar er samla, og vi samlast til den gode samtalen rundt dekka bord i hjartet av Filadelfia, nemleg kaféen. Vi har ingen fast turnus på denne aktiviteten, den poppar berre "plutseleg" opp, ofte i høve møtehelgar eller andre arrangement, og det er gjerne laurdag føremiddag det skjer!

Innhaldet kan variere frå gong til gong, men ein god kopp kaffi og litt godt å bite i er fellesnemnarar. Vi sel påsmurt, kaker, kaffi og varmmat for ein rimeleg penge. Med Jesus i sentrum blir det også i dei fleste tilfelle halde ein kort apell, eller kanskje ein minikonsert. Vi har også arrangert kunst- og handverkskafé, misjonskafé og adventssamling med sal av heimebaka småkaker. Store variasjonar med andre ord, så følg med på kalenderen! Inviter gjerne med deg ein venn eller to. 

© Pinsekyrkja Filadelfia Ulsteinvik 2019