Gudsteneste søndag 9. mai kl. 11
Søndag er gudstenestedagen i Filadelfia. Dette er dagen i veka vi samlast for å dele fellesskap med Gud og fellesskap med kvarandre. Ingrid Øvrebøe er søndagens taler og vi gleder oss til å høyre kva Gud har lagt på hjartet hennar!
Ingrid er 23 år, oppvaksen i Ulsteinvik og har hatt Filadelfia som sin åndelege heim gjennom heile oppveksten. Dei siste åra har ho vore mykje ut i den store verda. Då koronapandemien braut ut var ho på Kailua-Kona, Hawaii, og studerte "Northstar: Applied perspective on Biblical Sexuality" ved University of the Nations. Ho har også vore på misjonsturar til blant anna Eswatini (Swaziland) i Afrika og Panama i Mellom-Amerika. Utlandet kallar og misjon ligg hjartet nært hos Ingrid, men ho er vel det vi kan kalle koronafast. Filadelfia nyt kanskje godt av akkurat det, for Ingrid er aktiv i menigheitsarbeid. Ho er leiar for Tentro, vårt frikyrkjelege alternativ til konfirmasjon, og med i Oddgeir sitt lovsongsteam. I tillegg er ho med i arbeidsgruppa som arbeider med ny visjon og vegen vidare for Filadelfia. Tross ung alder, så er dette ei åndeleg moden dame med mykje livserfaring, og vi gleder oss til å høyre ho tale på søndag.
Du kan berre glede deg! Vi ser i alle fall veldig fram til søndag og håpar å sjå nettopp deg der! Og hugs - uansett kven du er, kor du kjem frå eller korleis veka di har vore, så er du hjartevarmt velkomen! Det vert søndagsskule parallellt i 2. etasje, og Team Oddgeir leier oss i lovsong.
